बारा- कलैया उपमहानगरपालिका-८ का वडाध्यक्ष विक्रम यादवको निधन भएको छ । उहाँको उपचारका क्रममा बिहीबार बिहन काठमाडौंस्थित त्रिवि शिक्षण अस्पतालमा निधन भएको हो ।

पाँच महिनाअघि लिभरमा समस्या देखिएपछि वडाध्यक्ष यादव उपचार गराइरहनु भएको थियो । स्वास्थ्यमा थप समस्या आएपछि एक सातादेखि उहाँ शिक्षण अस्पतालमा भर्ना हुनुभएको थियो ।

चिकित्सकको सल्लाहअनुसार शिक्षण अस्पताल महाराजगञ्जमा लगिएको र उपचारको क्रममा वडाध्यक्ष यादवको निधन भएको कलैया उपमहानगरपालिकाका प्रमुख राजेश राय यादवले जानकारी दिनुभयो ।

यादव स्थानीय तहको निर्वाचनमा नेकपा एमालेबाट निर्वाचित हुनु भएको थियो ।