काठमाडौं– नेपाली राष्ट्रिय फुटबल टोलीका खेलाडीले थ्री नेसन्स कप फुबटल च्याम्पियन बनेपछि प्रधानमन्त्री केपी शर्मा ओलीलाई सम्मान स्वरुप ‘केपी बा वी लभ यू’ भन्दै पटक पटक नारा लगाएका छन् ।

उपाधि समारोहमा सामूहिक तस्बिर खिचाउनेक्रममा फुटबल टोलीका खेलाडीले ‘केपी बा वी लभ यू’ भन्दै पटक पटक नारा लगाएका थिए । प्रधानमन्बी ओली फाइनल खेलको प्रमुख अतिथिको रुपमा दशरथ रंगशालामा रहनुभएको थियो ।

त्रिपुरेश्वरस्थित दशरथ रंगशालामा सोमबार भएको फाइनलमा चिरपरिचित प्रतिद्वन्द्वी बंगलादेशलाई २–१ ले ले पराजित गर्दै नेपाल थ्री नेसन्स कप च्याम्पियन बनेको थियो ।

ओलीले फाइनलको बल हस्तान्तरण गर्नुभएको थियो । ओलीले सुरुमै खेलाडीसँग परिचय गर्नुभएको थियो । प्रधानमन्त्री ओलीले पुरै फाइनल हेर्नुभएको थियो । फाइनल समारोहमा सबै फुटबल खेलाडीले सामुहिक तस्बिर खिचाउनेक्रममा ‘केपि बा वी लभ यू’ भन्दै पटक पटक नारा लगाएका थिए ।