राष्ट्रिय प्रजातन्त्र पार्टी (राप्रपा)ले स्थानीय तह निर्वाचनको मिति घोषणा गरिएकोमा स्वागत गरेको छ। अध्यक्ष राजेन्द्र लिङदेनले आज सामाजिक सञ्जाल मार्फत ट्वीट गरी सरकारको सो निर्णय स्वागतयोग्य भएको बताउनुभएको छ ।

‘स्थानीय तहको आवधिक निर्वाचन आगामी वैशाख ३० गते गर्ने निर्णय स्वागत योग्य छ’ उहाँले लेख्नुभएको छ, ‘स्थानीय तहको निर्वाचन तयारीमा युद्ध स्तरमा जुट्न राप्रपाका सबै तहका नेता कार्यकर्ताहरुमा आह्वान गर्दछु।’