काठमाडौं– नेकपा एमालेका केन्द्रीय सदस्य गोविन्द थापाले राप्रपा परित्याग गरेका पूर्वअध्यक्ष कमल थापालाई आफ्नो पार्टीमा आउन अपिल गर्नुभएको छ ।

केन्द्रीय सदस्य गोविन्द थापाले फेसबुकमा लेख्नुभएको छ, ‘कमल थापा अनुभवी र खारिएको नेता हुनुहुन्छ । उहाँले नयाँ पार्टी खोल्नु ठिक होइन । देशलाई निकास र विकास दिन नेकपा एमाले नै चाहिएको तथ्य उहाँजस्तो विद्वान नेताले बुझ्नुपर्छ । कमल थापा एमालेमा आउनुस्, ह्रदयदेखि स्वागत गर्न तयार छौं ।’

थापाले पार्टी परित्याग गरे पनि आगामी योजनाबारे भने केही बताउनुभएको छैन ।