काठमाडौ- नेकपा एमालेले स्थानीय तहको निर्वाचनको समिक्षा गर्दै आगामी संघीय र प्रदेशको निर्वाचनमा पार्टीलाई थप बलियो बनाउन निर्वाचिन केन्द्रीय कार्ययोजना बनाउन सुरु गरेको छ ।
पार्टी अध्यक्ष केपी शर्मा ओलीले आज जारी गरेको अन्तरपार्टी निर्देशन ४ मा उल्लेख भए अनुसार स्थानीय तहको निर्वाचनमा सोचे जस्तो परिणाम आएन भनेर कार्यकर्तालाई हतोत्साहि नहुन भनिएको छ । ‘महागठबन्धनसँग लडेर एमाले एक्लैले अहिलेकोे नतिजा ल्याउनु आफैंमा ठूलो उपलब्धी हो’ अपानीमा भनिएको छ ‘त्यसैले उच्च मनोवल बनाएर आगामी निर्वाचनको तयारीमा लाग्नु पर्दछ ।’
गठबन्धन,सरकार,प्रहरी,न्यायलय एकातिर हुँदा पनि एमालेले ३४ प्रतिशत मत ल्याएर सर्वाधिक ठूलो दल बन्नु आफैंमा ठूलो उपलब्धी भएको उल्लेख छ । एमालेले अबको निर्वाचनमा मत वृद्धिका लागि मुख्य तीनवटा सुत्र आम कार्यकर्तासम्म पु¥याउने अपानीमा उल्लेख गरेको छ । जस अनुसार पहिलोमा मतदाता नामवाली अद्यावधिक गर्ने । छुटेका मतदाताको नाम समावेश गर्ने अभियान सञ्चालन गर्ने,दोहोरिएका नामहरु हटाउन निर्वाचन आयोगको ध्यान आकर्षण गराउने । दोस्रोमा आम जनसमुदायमा पार्टीका नीति र एजेण्डाहरुको व्यापक प्रचार गर्ने र तेस्रोमा एमाले सरकारले गरेका कामको सशक्त प्रचार गर्ने ।
अध्यक्ष ओलीले आज जारी गरेको ३४ पृष्ठ लामो अपानीमा ‘आम निर्वाचनको तयारी’ शिर्षकमा उल्लेखित सुत्रहरु सुझाइएको छ ।
प्रतिक्रिया