काठमाडौं – नेकपा एकीकृत समाजवादीका अछाम जिल्ला अध्यक्ष हिरण्ड भटट्राई नेकपा एमालेमा प्रवेश गर्नुभएको छ ।

नेकपा एकीकृत समाजवादीका अछाम जिल्ला कमिटीका अध्यक्षसहित सवै नेता–कार्यकर्ता नेकपा एमालेमै फर्किएका छन् ।

नेकपा एमाले केन्द्रीय कार्यालय च्यासलमा आज सो पार्टीका जिल्ला अध्यक्ष हिरण्ड भट्टराईसहित जिल्ला कमिटीका अधिकांश नेताहरु एमालेमै फर्कनु भएको हो । नवप्रवेसी नेकपा एसका नेताहरुलाई नेकपा एमालेका महासचिव शंकर पोखरेल, सचिव तथा सुदुरपश्चिम इञ्चार्ज लेखराज भट्टसहितका नेताहरुले पार्टीमा स्वागत गर्नुभयो ।

कार्यक्रममा नेकपा एसका जिल्ला कमिटीका अधिकांश नेताहरु एमाले फर्किएको घोषणा गरेका छन् ।  कार्यक्रममा बोल्दै भट्टराईले नेकपा एसमा लागेर गम्भीर भूल भएको र सो पार्टी कम्युनिष्ट हुनै नसक्ने तथ्यहरु देखेकोले एमालेमै फर्किएको बताउनुभयो ।

‘अब समाजवादी केका लागि भन्ने प्रश्नको जवाफ पाउन सकिन्न, अब समाजवादीका सवै नेता–कार्यकर्ता एमालेमा फर्कनुपर्छ, यिनीहरु सुधनेवाला छैनन भन्ने प्रष्ट भइसकेको छ,’ भट्टराईले भन्नुभयो ।