काठमाडौँ-सभामुख देवराज घिमिरेले पूर्वस्वास्थ्यमन्त्री प्रा डा मथुराप्रसाद श्रेष्ठको निधनप्रति दुःख व्यक्त गर्नु भएको छ । श्रेष्ठको ८८ वर्षको उमेरमा आज बिहान माइतीघरस्थित अन्नपूर्ण न्यूरो अस्पतालमा निधन भएको थियो ।
सभामुख घिमिरेले लेख्नुभएको छ, ‘पूर्वस्वास्थ्यमन्त्री प्रा डा मथुराप्रसाद श्रेष्ठको ८८ वर्षको उमेरमा आज बिहान माइतीघरस्थित अन्नपूर्ण न्यूरो अस्पतालमा भएको असामयिक निधनप्रति दुःख व्यक्त गर्दछु । श्रेष्ठको निधनले मुलुकले एक कुशल नागरिक अभियन्ता एवं मानवअधिकारकर्मी गुमाएको छ । वामपन्थी बुद्धिजीवी श्रेष्ठले चिकित्सकले समुदायमै गएर उपचार गर्नुपर्छ भन्ने मान्यतालाई अघि बढाउनुभएको थियो ।’
उहाँले श्रेष्ठको चीर शान्तिको कामना गर्दै शोक सन्तप्त परिवारमा समवेदना व्यक्त गर्नुभएको छ ।
प्रतिक्रिया