काठमाडौं – नेकपा एमालेका अध्यक्ष केपी शर्मा ओलीले राजतन्त्र फटाहा र बुद्धि नभएकाहरूले मान्ने टिप्पणी गर्नुभएको छ ।

नेकपा एमालेनिकट अखिल नेपाल किसान महासंघको स्थापना दिवसको अवसरमा आयोजित कार्यक्रमलाई सम्बोधन गर्दै उहाँले राजतन्त्र स्वार्थी तत्वले मान्ने टिप्पणी गर्नुभयो।

अध्यक्ष ओलीले भन्नुभयो, ‘राजतन्त्र कि स्वार्थी, फटाहाले मान्छ कि मुर्खले मान्छ। कोही कोही अज्ञानीले पनि मान्छ। एकथरी अज्ञानी हुन्छन् केही पनि बुझ्दैनन् त्यही भएर मान्छन् । अर्कोथरी स्वार्थ साधना गर्नका लागि मान्छन् । दलाल र बुद्धि नभएकाहरुले मान्छन् जन्मिदै यस्तो हुनुपर्छ भनेर।’

स्वार्थी तत्वहरूलाई आफ्नो समयअनुकूल जति समयको लागि पनि प्रयोग गर्न सकिने अध्यक्ष ओलीको भनाई छ । उहाँले भन्नुभयो, ‘स्वार्थी तत्व त बिकाउ मालहरूले मान्छन् । तिनीहरूको केही पनि छैन । थोरैमा एक दिनका लागि एकछिनका लागि एक हप्ता दश दिन जतिका लागि पनि किन्न सक्छ मान्छेले अपराधीकरणका लागि त्यस्ता तत्वले मान्छन् ।’