काठमाडौं – संघीय संसद् प्रतिनिधिसभा सचिवमा पद्मप्रसाद पाण्डेय र राष्ट्रिय सभा सचिवमा सुरेन्द्र अर्याल सिफारिस भएका छन्।

सभामुख देवराज घिमिरे र राष्ट्रिय सभा अध्यक्ष गणेशप्रसाद तिमिल्सिनाले सभाका सचिव कार्यवाहक राष्ट्रपति रामसहायप्रसाद यादवसमक्ष सिफरिस गरेका हुन् । संघीय संसद् सचिवालय स्रोतका अनुसार सभामुखले नायव महान्यायाधीवक्ता पाण्डेयलाई प्रतिनिधिसभा सचिवमा सिफारिस गरेका छन् भने अध्यक्ष तिमिल्सिनाले संघीय संसद् सचिवालयका सहसचिव अर्याललाई राष्ट्रिय सभा सचिवमा सिफारिस गरेका हुन्।

सभामुखले प्रतिनिधिसभा सचिव र राष्ट्रिय सभा अध्यक्षले राष्ट्रिय सभा सचिव राष्ट्रपतिसमक्ष सिफारिस गर्ने संवैधानिक व्यवस्था छ। राष्ट्रपतिले सिफारिस स्वीकृत गरेपछि नियुक्ति हुनेछ ।प्रतिनिधिसभा सचिव गोपालनाथ योगी र राष्ट्रिय सभा सचिव राजेन्द्र फुयालको कार्यकाल वैशाख १५ मा सकिएको थियो। दुवैको कार्यकाल सकिएपछि सभामुख र अध्यक्षले नयाँ सचिव नियुक्ति लागि कार्यवाहक राष्ट्रपति यादवसमक्ष सिफारिस गरेका हुन्।