काठमाडौँ– नेकपा एमालेको संसदीय दलको बैठक आज पनि बस्ने भएको छ । हिजोदेखि सुरु भएको एमाले संसदीय दलको बैठक आज पनि बस्न लागेको हो ।

हिजो बसेको बैठकमा अध्यक्ष तथा संसदीय दलका नेता केपी शर्मा ओलीले  सांसदहरूले संसद्मा खेल्नुपर्ने भूमिकाका बारेमा प्रशिक्षण दिनुभएको थियो । यस्तै आज संसद्मा प्रतिपक्षको हैसियतले कसरी प्रभावकारी भूमिका निर्वाह गर्ने भन्नेबारेमा दलको नेताले ब्रिफिङ गर्ने एमाले प्रमुख सचेतक पदम गिरीले जानकारी दिनुभयो ।  

संसद्को हिउँदे अधिवेशन यही माघ २२ गतेदेखि बस्दै छ । यो अधिवेशनमा सङ्घीयता कार्यान्वयन, शान्ति प्रक्रिया लगायत महत्त्वपूर्ण कानुनहरू बनाउने विधेयक अघि बढाउने सरकारको तयारी छ ।