काठमाडौँ– नेकपा ९एमाले० धादिङ जिल्ला अधिवेशनमा देखिएको विवाद समाधानका लागि छलफल भएको छ । गएराति एमाले अध्यक्ष केपी शर्मा ओली निवास बालकोटमा धादिङ जिल्ला अधिवेशनमा देखिएको विवाद समाधानका विषयमा छलफल भएको हो । 

नवौँ जिल्ला अधिवेशनमा विवाद सिर्जना भएपछि पार्टी अध्यक्ष ओलीले अध्यक्ष मण्डलसहित ८ जना नेतालाई काठमाडौँ बोलाएर छलफल गर्नुभएको थियो । सो विवाद समाधानका लागि संगठन विभागले दुई जना खटाउने निर्णय भएको जनाइएको छ । संगठन विभागले प्रतिनिधि मनोनीत, अध्यक्ष मण्डल गठनको विवाद निरूपण गर्ने र मंगलबारदेखि बन्दसत्र सुरु गर्ने सहमति भएको बताइएको छ । 

शुक्रबारबाट सुरु भएको एमाले धादिङको अधिवेशनमा अध्यक्ष मण्डलको अध्यक्ष कसलाई बनाउने भनेर विवाद भएको थियो। सो  विवादपछि धादिङको अधिवेशन अनिश्चितकालका लागि स्थगित भएको छ ।