काठमाडौँ– देशका तराईका अधिकांश स्थानहरूमा हुस्सु लागेको छ । 

बिहानको समयमा तराईका अधिकांश  स्थानहरूमा  लागेको हुस्सु मध्य र पश्चिम तराईमा मध्यान्न सम्ममा र पूर्वी  तराईमा अपराह्न सम्ममा  क्रमिक रुपमा सुधार हुँदै जाने सम्भावना रहेको छ ।

हुस्सुको प्रभावले बिहानपखको समयमा दैनिक जनजीवन, स्वास्थ्य, सडक तथा हवाई यातायातमा आंशिक प्रभाव पर्न सक्ने जल तथा मौसम विज्ञान विभागले जनाएको छ । 

चिसोबाट समेत बच्न आवश्यक उपायहरू तथा सतर्कता अपनाउन विभागले आग्रह गरेको छ ।