काठमाडौँ– सरकारको आगामी आर्थिक वर्षको नीति तथा कार्यक्रममाथि सुझाव दिन बनेको कार्यदलले आज त्यसलाई अन्तिम रूप दिने भएको छ । आज बिहान अर्थ मन्त्रालयमा बस्ने कार्यदलको बैठकले सरकारको नीति तथा कार्यक्रमलाई अन्तिम रूप दिने भएको हो ।
अन्तिम रूप दिएपछि आजै प्रधानमन्त्री पुष्पकमल दाहाल प्रचण्डलाई बुझाउने तयारी रहेको छ ।
नेकपा एमालेका उपाध्यक्ष एवं पूर्वअर्थमन्त्री विष्णु पौडेल संयोजकत्वको कार्यदलको हिजो बसेको बैठकमा गठबन्धन दलहरूले आ–आफ्ना सुझाव दिएका थिए ।
आज बस्ने बैठकले थप सुझावसहित अन्तिम रूप दिने र त्यसपछि शीर्ष तहमा पेस गर्ने नेताहरूले बताउनुभएको छ ।
प्रतिक्रिया