काठमाडौं-हिमालयन बैंक लिमिटेडले जिल्ला प्रहरी कार्यालय पर्सालाई रु. तीन लाख सात हजार पाँच सय रूपैयाँ बराबरको ‘चेष्ट स्ट्राप’ सहित पाँच थान ‘गोप्रो हिरो १२’ क्यामरा दिएकाे छ।
जिल्ला प्रहरी कार्यालय पर्साको अनुरोधमा पर्सा जिल्लामा शहरीकरण, सवारी चाप, लुटपाट, पाकेटमार, चोरी, आन्दोलन र बन्द, हड्ताल आदि जस्ता गतिविधिको निगरानी तथा रोकथाम गर्न बैंकले सहयोग गरेको हो।
बैंकका तर्फबाट प्रमुख प्रशासकीय अधिकृतपवन अग्रवाल, मधेश प्रदेशका प्रदेश प्रमुख सागर कुमार रेग्मीले सो क्यामरा प्रहरी उपरीक्षक कुमुद ढुङ्गेललाई एक समारोहको बीच हस्तान्तरण गरेका हुन्। उक्त समारोहमा बैंक तथा जिल्ला प्रहरी कार्यालयका अन्य कर्मचारीहरुको पनि उपस्थिति रहेको थियो ।
प्रतिक्रिया