काठमाडौं-नेकपा एमालेले निर्वाचन समीक्षा तथा पार्टी पुनर्गठनका लागि गठन गरेको पार्टी उपाध्यक्ष रामबहादुर थापा नेतृत्वको कार्यदलको बैठक २०८३ असार २५ गते बस्ने भएको छ।

यसअघि २०८३ असार २२ गतेका लागि तय गरिएको बैठक २०८३ असार २५ गते सारिएको एमाले प्रचार तथा प्रकाशन विभाग प्रमुख नीरज आचार्यले जानकारी दिए।

एमाले प्रचार तथा प्रकाशन विभाग प्रमुख आचार्यका अनुसार प्रवास कमिटी र सल्लाहकार कमिटीसँग सुझाव सङ्कलन गर्ने कार्यक्रम थपिएपछि बैठकको मिति परिवर्तन गरिएको हो।

‘कार्यदलको बैठक असार २२ को सट्टा २५ गतेलाई सारिएको छ। असार २२ मा प्रवास कमिटी र २३ गते सल्लाहकार कमिटीको सुझाव लिने कार्यतालिका थप भएकाले कार्यदल बैठकको समय परिवर्तन भएको हो,’ आचार्यले बताए।

एमालेले निर्वाचनको समीक्षा गर्दै पार्टी संगठनलाई पुनर्गठन गर्ने उद्देश्यसहित थापा नेतृत्वमा कार्यदल गठन गरेको हो। कार्यदलले विभिन्न तहका पार्टी कमिटी, जनवर्गीय संगठन तथा नेताहरूबाट सुझाव सङ्कलन गरिरहेको छ।