काठमाडौं-नेकपा एमालेका अध्यक्ष केपी शर्मा ओली आफ्नो गृहजिल्ला झापा जाने भएका छन्।

अध्यक्ष ओली शनिबार बिहानको पहिलो उडानमार्फत झापा प्रस्थान गर्न लागेको एमाले स्रोतले जनाएको छ। २०८२ फागुन २१ मा सम्पन्न प्रतिनिधिसभाको चुनावपछि अध्यक्ष ओली पहिलोपटक गृहजिल्ला जान लागेका हुन्।

झापामा अध्यक्ष ओलीले पार्टीका नेता-कार्यकर्तासँग भेटघाट गर्नुका साथै विभिन्न कार्यक्रमहरूमा सहभागी हुने बताइएको छ। यद्यपि भ्रमणको विस्तृत कार्यतालिका सार्वजनिक गरिएको छैन।

एमाले अध्यक्ष ओलीको झापा भ्रमणलाई राजनीतिक रूपमा समेत अर्थपूर्ण रूपमा हेरिएको छ। गृहजिल्लामा उनको उपस्थितिले पार्टी संगठन सुदृढीकरण तथा आगामी राजनीतिक गतिविधिबारे छलफल हुने अपेक्षा गरिएको छ।