कविता

दुख्छ यो मुटु छेडेर मेरो भित्र कहाँ कहाँ

मर्म यो घाउको बुझ्ने शिकारी कुन देशमा ? १

ममा जमेर मायामा माया अर्कै भनाउनु ।

निठुरी बिर्सने माया आँशु थोपा सजाउनु । २

तिम्रो सहरको बाटो काँडा बिज्ने थरी थरी ।

हाम्रो पवित्र मायामा शंका गर्छ्यौ घरी घरी ॥ ३

मेरो आकाश झारेर टुक्रा जोडी रमाउनु ।

मनको फूल भाँचेर तिम्रो केस खुलाउनु ॥ ४

हाम्रो हजार माया हो बिक्री बजारमा भयो।

दिल छ द्वारमा तिम्रो मेरो हार सधै भयो॥ ५

सन्नाटा मनमा छायो मेरो माया टुटोफुटो ।

माया उजाड भो मेरो छाया बन्दै रुदै लुको ॥ ६

छन्द : अनुष्टुप

शब्द : गोपाल प्याकुरेल

अर्भिग्डड्ड, टेक्सास