काठमाडौं- देशरभ आज ९ सय जनामा कोरोना भाइरस (कोभिड-१९) संक्रमण पुष्टि भएको छ । स्वास्थ्य तथा जनसङ्ख्या मन्त्रालयका अनुसार ५ हजार ५५७ जनाको पीसीआर र ६३१ जनाको एन्टिजिन परीक्षण गर्दा ९ सय जनामा कोरोना पुष्टि भएको हो ।
योसँगै नेपालमा कुल सङ्क्रमितको सङ्ख्या २ लाख ८२ हजार ८०९ पुगेको छ ।
पछिल्लो २४ घण्टामा २०८ जना सङ्क्रमित निको भएर घर फर्केका छन् । हालसम्म २ लाख ७४ हजार ८१२ जना निको भइसकेका छन् ।
पछिल्लो चौबीस घण्टामा कोभिड सङ्क्रमणले चार व्यक्तिको मृत्युको पुष्टि भएको छ । हालसम्म नेपालमा कोरोना सङ्क्रमणबाट तीन हजार ७० जनाको मृत्यु भएको छ ।
हाल देशभर ५ हजार आठ जना आइसोलेशनमा र ७७ जना क्वारेन्टिनमा बसिरहेको मन्त्रालयले जनाएको छ ।
प्रतिक्रिया