काठमाडौं- स्वास्थ्य तथा जनसंख्या मन्त्रालयले कोरोना संक्रमण दर तीव्र गतिमा बढिरहेकाले अनावश्यक घर बाहिर ननिस्कन आग्रह गरेको छ ।
मन्त्रालयका प्रवक्ता डा. जागेश्वर गौतमले हरेक चार दिनमा संक्रमणको संख्या दोब्बर भइरहेकाले अत्यन्त जरुरी नपरी घर बाहिर ननिस्कन आग्रह गर्नुभयो ।
मन्त्रालयले बुधबार आयोजना गरेको कोरोनाको प्रेस ब्रिफिङमा उहाँले सभा, भेला, गोष्ठी , सेमिनार, जात्रा, बैठक नगर्न अनुरोधसमेत गर्नुभयो ।
‘कोरोना संक्रमण काठमाडौंलगायत ठूला शहरमा दिनदिनै बढ्दैछ,’ डा गौतमले भन्नुभयो, ‘थाहा पाइपाइ भीडभाडमा जानु हुँदैन ।’
उहाँले विवाह, व्रतबन्ध, पूजा, भोज भतेर, समारोह गरी भीड जम्मा गर्ने, भीडमा सरिक हुने र मास्क नलगाइ हेलचेक्रयाइँ तथा असावधानीले संक्रमण थप फैलिँदै गइरहेको बताउनुभयो ।
प्रतिक्रिया