काठमाडौं- जनता समाजवादी पार्टी (जसपा) का शीर्ष नेताहरूकाे बैठक सकिएको छ ।
पछिल्लो राजनीतिक घटनाक्रमका बारेमा छलफल गर्नका लागि पार्टी कार्यालय बालकुमारीमा बसेको शीर्ष नेताहरूकाे बैठक बिनानिष्कर्ष सकिएको हो ।
आजको बैठकमा नेताहरू महन्थ ठाकुर, डा. बाबुराम भट्टराई, उपेन्द्र यादव, राजेन्द्र महतो, राजेन्द्र श्रेष्ठ र अशोक राई सहभागी हुनुहुन्थ्यो ।
केपी शर्मा ओली नेतृत्वको सरकारलाई समर्थन गर्ने वा नगर्ने भन्ने विषयमा जसपाभित्र कुरा मिल्न सकेको छैन । महन्थ ठाकुर पक्ष सरकारमा जान हुने अडानमा छ ।
उपेन्द्र यादव पक्ष भने सरकारमा जान नहुने बताउँदै आएको छ । दुवै पक्षबीचको कुरा नमिल्दा जसपा विभाजन हुन सक्ने आकलन पनि गरिन थालिएको छ ।
प्रतिक्रिया