झापा- कोरोना संक्रमितलाई उपचारका लागि काठमाडौंबाट विएण्डसी अस्पताल ल्याइएको छ । सूचना अधिकारी प्रमिश गिरीका अनुसार काठमाडौंमा बेड अभाव भएपछि उपचारका लागि विएण्डसी ल्याइएको हो ।
झापा शिवसताक्षी-८ का घर भई काठमाडौं बस्दै आएका ६८ वर्षीय नरप्रसाद उप्रेतीलाई उपचारका लागि विर्तामोड ल्याइएको अस्पतालले जनाएको छ ।
काठमाडौंमा उपचार सहज नभएपछि झापा ल्याइएको बताइएको छ । उप्रेतीलाई हेलिकप्टरबाट विर्तामोड ल्याइएको छ । उनलाई आईसीयूमा राखिएको छ ।
उप्रेतीसहित विएण्डसीमा ५ जना कोरोना संक्रमितको उपचार भइरहेको गिरीले जानकारी दिनुभयो । कोभिड संक्रमितलाई अलग्गै राखेर उपचार व्यवस्था मिलाइएको अस्पतालले जनाएको छ ।
प्रतिक्रिया