पोखरा– गण्डकी प्रदेशका पूर्वमुख्यमन्त्री पृथ्वीसुब्बा गुरुङले गण्डकी प्रदेशको नाम परिवर्तन गरेको भए आफ्नो सरकार जोगाइदिने आवश्वासन आएको बताउनुभएको छ ।
प्रदेश सभामा मुख्यमन्त्री कृष्णचन्द्र नेपाली पोखरेलले माग्नुभएको विश्वासको मतमाथि प्रदेश सभामा भएको छलफलमा गुरुङले त्यस्तो बताउनुभएको हो । ‘मैले नाम फेरेर तमुवान बनाउन सहमत भएको भए सरकार जोगिन्थ्यो,’ उहाँको भनाइ थियो, ‘तर मैले चाहिनँ । म अब त्यो बाटो जान्नँ भनेँ ।’
गुरुङले गण्डकी प्रदेशमा जातीय सदभाव भत्काउन प्रयास पटक पटक भएको बताउनुभयो । उहाँले तमुवानको माग तीब्र भए पनि जातीय सदभाव र एकताका लागि गण्डकी प्रदेश रोजेको उल्लेख गर्नुभयो ।
प्रतिक्रिया