काठमाडौं– नेकपा एमालेको नगरस्तरीय विस्तारित बैठक माधव नेपाल समूहले बिथोलेको छ ।

मोरङ उर्लाबारी–८ स्थित एभरेष्ट फनपार्कमा भएको एमाले संस्थापनको नगरसमिति घोषणा गर्ने र सदस्यता नवीकरण गर्ने विस्तारित बैठक माधव नेपाल समूहक कार्यकर्ताले घुसपैठ गरेर बिथोलेका एमाले उर्लाबारी नगर संयोजक उमाकान्त गौतमले जानकारी दिनुभयो । विस्तारित बैठक आयोजना हुनुभन्दा अगाडि नै तोडफोड भएको उहाँको भनाइ छ ।

बैठकमा एमाले मोरङ अध्यक्ष ऋषिकेस पोखरेललगायत जिल्ला नेताहरुको सहभागिता रहने कार्यक्रम थियो ।

माधव समूहका नगर संयोजक गंगा बास्तोलाले आफूलाई बैठकमा भएको तोडफोडको विषयमा जानकारी नभएको दाबी गर्नुभएको छ ।

तोडफोडबाट दर्जनौं कुर्सी भाँचिएका छन् भने सिसा फुटाइएको छ ।