सप्तरी– सप्तरीको छिन्नमस्ता गाउँपालिकास्थित प्रसिद्ध छिन्नमस्ता सखडेश्वरी शक्तिपीठमा भगवतीको चाँदीको मुकुट चोरी भएको छ ।

भगवतीको मस्तकमा लगाइएको चाँदीको मुकुट आइतबार साँझ सवा ७ बजेतिर चोरी भएको इलाका प्रहरी कार्यालय सखडाका प्रहरी नायव निरीक्षक रामपुकार महतोले जानकारी दिनुभयो ।

साँझको बेला पुजारीहरू पोखरीतिर सरसफाईमा व्यस्त रहेको समयमा मुकुट चोरी भएको हो ।

चाँदीको मुकुट चोरी भएपछि व्यापक प्रहरी परिचालन गरिएको छ । चोरी भएको ठाउँसहित जिल्लाका भारतीय सीमानाका बन्द गरिएको छ ।