पैतालाले
आफैं उभिने भुइँलाई
आफ्नो प्रतिस्पर्धी नठाने हुन्छ
भुइँमाथि टेकेर
भुइँकै विरुद्ध नलागे हुन्छ ।
पैताला बजारेर
भुइँ हल्लिएको होइन
भुइँ हल्लिएको क्षण
पैतालाहरु बजारिने हुन
भुइँमाथि
भुइँ छ र पो पैतालाहरु
टेकिरहेछन्
नभएको भए भुइँ
पैतालाले कहां टेक्थ्यो
कसलाई बोक्थ्यो
कस्तो जुत्ता लगाउँथ्यो ?
पैतालाले
आफै उभिने भुइँलाई
आफ्नो प्रतिस्पर्धी नठाने हुन्छ
भुइँमाथि टेकेर
भुइँकै विरुद्ध नलागे हुन्छ ।
प्रतिक्रिया