काठमाडौं– नेकपा एमालेका अध्यक्ष केपी शर्मा ओलीले साँस्कृतिक विविधतालाई द्वन्द्वको अवसरको रुपमा दुरुपयोग गर्ने प्रयास भएको बताउनुभएको छ ।

नेपाल सम्बत् ११४२ का अवसरमा शुभकामना दिँदै अध्यक्ष ओलीले नेपाल विविधतायुक्त मौलिक परम्परा भएको राष्ट्र भएकोसमेत उल्लेख गर्नुभएको छ । ‘एकतको यस राष्ट्रिय पूँजीलाई हामीले मुलुक निर्माणको आधार स्तम्भका रुपमा आत्मसात गरेका छौं,’ उहाँले भन्नुभएको छ ।

अध्यक्ष ओलीले एमाले नेतृत्वको सरकारले संविधान कार्यान्वयनका सबै काम पूरा गरेको उल्लेख गर्नुभएको छ ।