दुई ढाई वर्षमै धरहरा ठडयाउन पाइन्छ ?
चुच्चे नक्शा जारी गरी देशको सीमाना बढाउन पाइन्छ ?
रानी पोखरी किन बनाउनु पर्ने ?
नागढुंगा सुरुङ किन खनाउनु पर्ने ?
खाडीको पेट्रोल हुँदा हुँदै दैलेखमा खन्ने ?
धौबादीमा मजाले बसेको फलाम निकाल्छु भन्ने ?
हामीले यस्ता प्रश्नको जवाफ काफी माग्नुपर्छ
त्यसबापत केपी ओलीले माफी माग्नुपर्छ
मेलम्ची खानेपानी आयोजना पूरा किन गर्यो ?
समृद्ध नेपाल सुखी नेपालीको कुरा किन गर्यो ?
जान्ने भएर सामाजिक सुरक्षा भत्ता बढाउनु पर्ने ?
दुःखी गरीबका छोराछोरीलाई निःशुल्क पढाउनु पर्ने ?
देशभरका पालिकामा अस्पताल खोल्नु पर्ने ?
स्वरोजगार र गरीबी न्यूनीकरणको विषयमा बोल्नु पर्ने ?
हामीले यस्ता प्रश्नको जवाफ काफी माग्नु पर्छ
त्यसबापत केपी ओलीले माफी माग्नुपर्छ
किन भैरहवा र पोखरामा अन्तर्राष्ट्रिय विमानस्थल सम्पन्न गरेको ?
किन प्रमाणपत्र धितो राखेर ऋण दिनु परेको ?
किन भूकम्प पीडिका लाखौं घर बनाएको ?
किन विप्लव र राउतलाई युद्ध नगर्न मनाएको ?
किन पुलपुलेसा, बाटा घाटा र ढल बनाएको ?
किन लुम्बिनी र गोदावरीमा ठुल ठूला सभा हल बनाएको ?
हामीले यस्ता प्रश्नको जवाफ काफी माग्नुपर्छ
त्यसबापत केपी ओलीले माफी माग्नुपर्छ
न श्रीमतीलाई पदक दिन मान्याछ
न जेठानलाई मन्त्री छान्याछ
न सुकूम्बासीलाई गोली हान्याछ
न कालो धन सेतो बनाऊन जान्याछ
खाली कोरोना खोप ल्याको छ मान्छेको कुम घोच्याछ
औषधी खाने समय बिर्सेर साथीहरुको अपमान नहोस भन्ने सोच्याछ
त्यो ओली सरकार, जनता बाहेक दलाल, माफिया, तस्कर, अवसरवादी, घूसखोरीको नजरमा चुकेको छ
हेरिस्यो त श्रीमान हजुरको परमादेशले आज हजूरकै अनुहारमा थूकेको छ ।
प्रतिक्रिया