झापा-झापाको बिर्तामोड नगरपालिका-७ स्थित डाँडागाउँमा गएराति हात्तीले ४ वटा घरमा क्षति गरेको छ। राति आएका ४ वटा हात्तीले ४ घरमा क्षति पुर्‍याएको हो।

जिल्ला प्रहरी कार्यालयका प्रवक्ता कृष्णकुमार चन्दले हात्तीले ती घरमा क्षति पुर्‍याउँदा ३ लाख १० हजार रुपैयाँ बराबरको क्षति भएको जानकारी दिनुभयो।

हात्तीले स्थानीय नवराज लिम्बू, डम्बर विक, सोनु सुनुवार र खगेन्द्र घिमिरेको घरका पर्खाल भत्काउनाका साथै घरभित्र अन्नपातसमेत नष्ट गरेको उहाँले बताउनु भयो।