काठमाडौँ-काठमाडौंको धोबीखोलास्थित बुद्धनगर–बबरमहल जोड्ने पुल चर्किएपछि पुलबाट आवागमन बन्द गरिएको छ।

काठमाडौं महानगरपालिका वडा नं १० र ११ जोड्ने यस पुलको दायाँबायाँ भीएस निकेतन स्कुल र रोजबड स्कूल रहेकाे छ।

केही दिनदेखिको वर्षाका कारण धोबीखोलामा बढेको पानीको बहावले पुल चर्किएको त्यसपछि आवागमन बन्द गरिएको जिल्ला प्रहरी परिसर काठमाडौँका प्रवक्ता एवं प्रहरी उपरीक्षक नवराज अधिकारीले जानकारी दिनुभयो।