काठमाडौं नेकपा एमालेका महासचिव शंकर पोखरेलले पार्टीले अंगिकार गरेको मार्गदर्शक सिद्धान्त जनताको बहुदलीय जनवाद (जबज) सामु लोकप्रियतावाद,अराजकतावाद र अवशरवादको चुनौती केही समयका पाहुना भएको बताएका छन् ।
नेपाल कम्यूनिष्ट पार्टीको स्थापना दिवशको अवशरमा यसका संस्थापकहरुको स्मरण गर्दै पोखरेलले सामाजिक सञ्जाल मार्फत यस्तो धारणा सार्वजनिक गरेका हुन् । ‘जबजका समृद्ध विचारका सामु अल्गोरिदमले नेपाली राजनीतिमा सृजना गरेको लोकप्रियतावाद,अराजकतावाद, र अवशरवादको चुनौती केही समयका पाहुना जस्तै हुन्’ पोखरेलले लेखेका छन् ‘कम्यूनिष्ट आन्दोलनको गौरवपूर्ण इतिहासप्रति सम्मान प्रकट गर्दै जबजको मार्गदर्शनमा समाजवादको बाटोमा दृढतापूर्वक् अघि बढ्ने संकल्प गरौं ।’
महासचिव पोखरेलले नेकपाका संस्थापक पुष्पलाल श्रेष्ठ,नारायणविलास जोशी,निरञ्जन गोविन्द वैद्य,नरबहादुर कर्मचार्य र मोतीदेवी श्रेष्ठ लगायतका नेताहरुको योगदानलाई स्मरण गरेका छन् । आज एमाले केन्द्रीय कार्यालयमा आयोजना गरिएको पार्टी ७७औं स्थापना दिवशमा उपत्यकाकामा रहेका नेता कार्यकर्तालाई सहभागी हुन् र काठमाडौं बाहिर सम्बन्धित कमिटीह्रुले आयोजना गरेका कार्यक्रममा सहभागी हुन आग्रह गरेका छन् ।