काठमाडौं– सर्वोच्च अदालतको फैसलाबाट पुनःस्थापित नेकपा एमालेले केन्द्रीय कार्यालय धुम्बाराहीमा ३२ महिनापछि फेरि एमालेको साइनबोर्ड राखेको छ ।

देशभरका कार्यालयहरुमा नेकपाको साइनबोर्ड फाल्दै नेकपा एमालेका बोर्ड राखिएको हो । २०७५ जेठ ३ गते पार्टी एकीकरण भएसँगै धुम्बाराहीमा नेपाल कम्युनिस्ट पार्टी (नेकपा)को बोर्ड राखिएको थियो ।

नेकपा एमाले केन्द्रीय कार्यालय सचिव ईश्वरी रिजालले केन्द्रदेखि सबै तहका कार्यालयहरू अब एमालेकै नाममा फर्किएको बताउनुभयो ।

अदालतको फैसलाबाट उत्साहित हुनुभएका केपी ओली पक्षधर नेता कार्यकर्ताले मंगलबारनै अधिकांश जिल्लामा एमालेको साइनबोर्ड राखिसकेका थिए ।

अब सबै संरचनाहरू पनि एमालेकै क्रियाशील हुनेछन् ।