अछाम- अज्ञात समूहले अछामको एक वडा कार्यालयमा तोडफोड गरेको छ ।
जिल्लाको पञ्चदेवल बिनायक नगरपालिका-२ को वडा कार्यालयमा तोडफोड गरिएको हो ।
शनिबार राति कार्यालय तोडफोड गरिएको कार्यवाहक वडाध्यक्ष पदमबहादुर शाहीले जानकारी दिनुभयो ।
सो समूहले कार्यालयमा लगाइएको ताला तोडेर दराज, र्याक तथा घर्रामा राखिएका सामग्री फालेको भेटिएको उहाँले बताउनुभयो ।
घटनामा संलग्नको खोजी भइरहेको प्रहरीले जनाएको छ ।
प्रतिक्रिया