उर्लाबारी- उर्लाबारी नगरपालिकामा नेकपा एमालेका मेयर, उपमेयरसहित बहुमत विजयी भएका छन् ।
मेयरमा गंगा खरेल, उपमेयरमा मिना खतिवडा, ९ मध्ये ५ जना वडाध्यक्षसहित बहुमत पदाधिकारी विजयी भएका छन् ।
गत चुनावमा एमालेको बलियो जनाधार हुँदाहुँदै पनि कांग्रेसका खड्ग फागो मेयर निर्वाचित भएका थिए ।
खासगरी कोरोना महामारी सहित पटक पटक फागो चर्चामा रहँदै आएका थिए ।
गएको चुनावमा बलियो जनाधारबीच पनि पराजित भएको एमाले यसपटक एकढिक्का भएर मैदानमा उत्रिएको थियो ।
एमालेबाट निर्वाचित खरेल भने ॐ शान्ति अभियानमा सक्रिय व्यक्तित्व हुनुहुन्छ ।
प्रतिक्रिया