काठमाडौं-तनुहँको शेराफाँट भन्ने ठाउँमा बस दुर्घटना भएको छ। पोखराबाट भैरहवाका लागि छुटेको ग २ ख १८३६ बस दुर्घटनामा परेकाे हाे ।

जिल्ला प्रशासन कार्यालय तनहुँका सहायक सीडीओ दिपक रेग्मीका अनुसार, अहिले दुर्घटनाग्रस्त गाडीमा सवार घाइतेहरूको उद्धार कार्य भइरहेको छ।

प्रारम्भिक जानकारी अनुसार, बसमा करिब ३० जना व्यक्ति सवार रहेका थिए ।

दुर्घटनामा २७ जना घाइते भएका छन् । घाइतेलाई जीपी अस्पताल बेलचौतारामा उपचारका लागि लगिएको छ । स्थानीय, प्रहरीसहित मिलेर उद्धारको काम भइरहेको र दुर्घटनाको थप विवरण आउन बाँकी रहेको तनहुँका प्रहरी प्रमुख एसपी टेकबहादुर कार्कीले जानकारी दिए ।