विराटनगर- नेपाल कम्युनिष्ट पार्टीले आज विराटनगरमा आयोजना गरेको जनसभामा साङ्गीतिक माहोल पनि तातिरहेको छ ।

स्थानीय कलाकारहरूले सरकारलाई अस्थिर बनाउन आफ्नै पार्टीका नेताहरूबाट विभिन्न खेल भइरहेको गीत कलाकारहरूले पस्किएका छन् ।

राष्ट्रिय जनसांस्कृतिक महांसघ प्रदेश १ कमिटी सदस्य मोरङ पथरी शनिश्चरेका गायक वीरध्वज शिवाले ‘जता टाल्यो उतै नि भ्वाङ पर्‍यो’ बोलको गीत प्रस्तुत गरेका छन् ।

पर्टी अध्यक्ष तथा प्रधानमन्त्री केपी शर्मा ओलीले पार्टीको आन्तरिक किचलोलाई जतिसुकै टाल्न र मिलाउन खोजे पनि अन्तत: त्यो प्रयासलाई च्यातेर र भ्वाङ पारेर केही नेताहरू कुर्सी मोहमा दौडिएको भाव गीतले बोलेको छ ।

केही नेताहरू पदलोभको फलफूल खान हिँडेकाले उनीहरू सिस्नोघारीमा पुगेको सत्यता पनि गीतले बोलेको छ ।

‘भ्यागुत्तो जति उफ्रे भ्यागुत्तो कुवामा, धर छैन टाँस्सिएर जुवामा,’ भन्दै उनले गीतमार्फत सत्तालिप्सा बोकेका नेताहरूको औकात दर्साएका छन् ।

केहीबेरमा नै जनसभाका प्रमुख अथिति प्रधानमन्त्री केपी शर्मा ओली, गृहमन्त्री रामबहादुर थापा ‘बादल’, नेकपा नेता सुवास चन्द्र नेम्वाङ र प्रदेश १ का मुख्यमन्त्री शेरधन राईले जनसभालाई सम्बोधन गर्दै हुनुहुन्छ ।

जनसभामा प्रदेश १ सहित देशका विभिन्न जिल्लाका नेकपा समर्थित कार्यकर्ता, स्थानीय नेता तथा सर्वसाधारण गरी २ लाखभन्दा बढीको उपस्थिति रहने नेकपा प्रदेश १ ले जानकारी दिएको छ ।

जनसभामा विभिन्न जिल्ला तथा स्थानीय तहबाट सहभागीहरूको उपस्थिति भइरहेको छ ।

आकाशैमा सूर्य भो झलल
आयो रेल जाउँ युवा सरर
डाँडाकाँडा केबलकार लर्कंदै
साँचो कुरा जनतालाई बुझाउँदै
सीमानामा हउ दाजु पर्खालै लगाउने
सुरूङमार्ग आफ्नो गाउँ आफैंले बनाउने
…
सडकसञ्जाल देशभरि फैलियो
चुच्चे नक्सा थपेर छाडियो
जता टाल्यो उतै नै भ्वाङ पर्‍यो
के साह्रो हौ कुर्सीको हतारो
धेरै जोरी नखोज यसरी फेरि
जनताले लगाउलान् हातैमा हत्कडी
…
जति उफ्रे भ्यागुत्तो कुवामा
भर छैन टाँसेको जुँगामा
हुडारहरू वर छेउमा कराउँछन्
केपी ओली जनता भन्दैछन्
फलफूल खान हिँडेथ्यौ सुन्तलाबारीमा
तर पुग्यौ साइँलादाइ सिस्नोको बारीमा
आयो रेल………