काठमाडौं- नेकपा एमालेको केन्द्रीय कमिटी अब २६४ सदस्यीय बनेको छ । आज थप २३ जनालाई मनोनित गरिएसँगै एमालेको केन्द्रीय कमिटी २६४ सदस्यीय बनेको हो ।
२०७१ सालको नवौँ महाधिवेशनबाट २ सय जना केन्द्रीय कमिटीमा निर्वाचित भएका थिए । त्यस्तै, २०७५ जेठ ३ गते पार्टी एकता हुँदा थप ४२ जना केन्द्रीय कमिटीमा मनोनित भएका थिए ।
पुस ६ र ९ गते मनोनयन भएका केन्द्रीय सदस्यहरूले मान्यता पाउने/पाउने भन्ने विषयमा भने आजको केन्द्रीय कमिटीको बैठकमा छलफल भएन ।
तत्काललाई जिल्ला कमिटी र जन संगठनका कमिटीलाई भने यथावत राखिने भएको छ ।
चैत ७ गते बस्ने एमाले केन्द्रीय बैठकले सबै जिल्ला इन्चार्ज र सहइन्चार्ज तोक्ने निर्णयसमेत भएको केन्द्रीय कमिटी सदस्य देवेन्द्र दाहालले जानकारी दिनुभयो ।
प्रतिक्रिया