काठमाडौं– नेकपा एमाले केन्द्रीय सदस्य एवं पूर्व मन्त्री गोकुल बास्कोटाले कांग्रेस नेता रामचन्द्र पौडेललाई संसदीय अभ्यास भन्दा बाहिर गएर प्रधानमन्त्री बन्न खोजेको आरोप लगाउनुभएको छ ।

आइतबार एक ट्विट गर्दै बाँस्कोटाले व्यंग्य गर्दै पौडेलको यस्तो अभ्यास कसैले त पत्यादिए पनि हुने नि भन्नुभएको छ । बाँस्कोटाले पौडेललाई कलियूगका रामचन्द्र भन्नुभएको छ । बाँस्कोटाले पशुपतिनाथ पुकार्दै पौडेललाई तनहुँमा गएर कृष्णसित भिड्न चुनावको तयारी गर्न आग्रह गर्नुभएको छ ।

बाँस्कोटाले लेख्नुभएको छ ‘कलियूगका रामचन्द्र प्रधानमन्त्री बन्नका लागि अठारौं प्रयासमा त्यो पनि संसदीय अभ्यास भन्दा बाहिर रहेर । पत्याइदिनु नि कसैले त । हे पशुपतिनाथ बरु चुनावको तयारी गरे राम्रो तनहुँका कृष्णसित ।’