काठमाडौं– सरकारको बेवास्ताका कारण उद्दारको पर्खाइमा रहेका ३४ जना नेपालीको दसैं अफगानिस्तानको आतंकमा बित्ने भएको छ ।

उनीहरुले दुई महिना अघि देखि नै अनलाइन मार्फत निवेदन गरेर स्वदेश फर्काइदिन सरकारसँग माग गरेका थिए । उनीहरुलाई सरकारले अनेक प्रक्रिया जारी छ भनेर अलमल्याइरहेको तर ठोस रुपमा कुनै पहल नगरेको पीडितहरुले जनाएका छन् ।

अफगानिस्तानमा तालिबानले सत्ता कब्जा गरेसँगै त्यहाँ रहेका आप्रवासीले देश छाड्न थालेका हुन् । त्यहाँका नियोगहरुमा काम गर्ने ९ सय ६ जना नेपाली पनि स्वदेश फर्किएका छन्।

काबुलमा अड्किएका ३४ जना अवैधानिक बाटोबाट त्यहाँ पुगेकोले उनीहरुलाई फर्काउन केही जटिलता भएको परराष्ट्र मन्त्रालयले जनाएको छ ।