जुम्ला  – जुम्लामा तेस्रो पटक हिमपात भएको छ  । हिजो साँझदेखि सुरु भएको हिमपात अहिले पनि जारी रहेको छ।

पश्चिमी न्यून चापीय प्रणाली सक्रिय भएसँगै उच्च पहाडी तथा हिमाली भेगमा हिमपात भएपछि चिसो पनि बढेको छ । चिसोका कारण जनजीवन प्रभावित बनेको छ । हिमपातका कारण मानिस सँगसँगै पशुचौपायलाई पनि समस्या भएको छ ।

जुम्लाको अधिकांश क्षेत्रमा बिहीबारदेखि हिमपात भएपछि आधा फिटसम्म हिउँ जमेको छ । लेकाली क्षेत्रमा झन्डै एक फिट बढी हिउँ जमेको छ ।

हिमपातका कारण जुम्लामा बत्ती र इन्टरनेट सेवा पनि अवरुद्ध भएको छ । चिसोका कारण दैनिकी कष्टकर बनेको छ ।