दमक– दमक राप्रपा सहितको गठबन्धनलाई पराजित गर्ने कार्ययोजनाका साथ नेकपा एमाले दमकले घरदैलो कार्यक्रम सुरु गरेको छ ।

दमक वडा नं ५ बाट आज देखि घरदैलो कार्यक्रम सुरु गरिएको हो । वडा अध्यक्ष राजेन्द्र ढकालका अनुसार मेयरका उम्मेद्वार गीता अधिकारी,उपमेयरका उम्मेद्वार अम्बिका प्रसाद खनाल, वडा अध्यक्ष ईन्द्रबहादुर गुरुङ दलित महिला सदस्य सरु परियार, महिला सदस्य शोभा बेलबासे खुला सदस्यहरु खड्ग राई र गोपालकृष्ण संग्रौला सहितको टोलीले विहान हरिओम कोलेनी, धनेश्वर चौक आसपासका टोलमा घरदैलो गरेको छ ।

घरदैलोमा एमाले पोलिटव्यूरो सदस्य देवेन्द्र दाहाल, केन्द्रीय सदस्य एवं दमक नगरका मेयर रोमनाथ ओली, प्रदेश कमिटीका सदस्यहरुको उपस्थिति थियो ।

आजबाट सुरु भएको यो अभियान २८ गतेसम्म निरन्तर चल्ने एमालेले जनाएको छ । नाचगान सहित सुरु भएको घरदैलोमा टोलबासीहरुले पनि सक्रिय उपस्थिति देखाएको एमाले वडा कमिटीका अध्यक्ष ढकालले बताउनुभयो ।