काठमाडौं– ‘मै पनि एमाले, सैं पनि एमाले’ यो गीत सायद नसुन्नेहरु विरलै छन् होला। गएको स्थानीय निर्वाचनमा सार्वजनिक भएको गीत अहिले पनि उत्तिकै सुन्न पाइन्छ । नेकपा खारेज गर्दै एमाले ब्यूँतिएपछि झन् बढी चल्न थालेको गीत छ यो । यही गीतमा एउटा लाइन छ, ‘ढलेको त्यो धरहरा बनाउने कुरा, एमालेको सरकार आए हुन्छ सबै पूरा ।’ नभन्दै एमालेको सरकार रहेकैबेला धरहरा निर्माण पूरा भएको छ । धरहरा भोलि उदघाटन हुँदैछ ।