काठमाडौं-६७औँ राष्ट्रिय सहकारी दिवस देशभर विभिन्न कार्यक्रम गरी मनाइएको छ। ‘सहकारीमा सुशासन, प्रविधि र एकीकरण’ नाराका साथ यसवर्ष सहकारी दिवस मनाइएको हो।

दिवसका अवसरमा ललितपुर महानगरले ललितपुरमा सहकारीमा देखिएका समस्या र समाधानका लागि सरोकारवालाहरुको भूमिका विषयक अन्तर्क्रिया कार्यक्रमको आयोजना गरेको थियो।

कार्यक्रममा महानगरकी उपप्रमुख मञ्जली शाक्य बज्राचार्यले बचतकर्तालाई विभिन्न प्रलोभन देखाएर सहकारी चलाएको र अहिले सहकारी सञ्चालकहरुले बदमासी गरेको आराेप लगाउनु भयो। उहाँले सहकारीलाई जिम्मेवार बनाउनका लागि सरोकारवाला सवैले आवश्यक भूमिका निर्वाह गर्नुपर्नेमा जोड दिनुभयो।